القواعد الذهبيه فى التمارين المسرحيه

من طرف **admin** الجمعة نوفمبر 19, 2010 2:58 pm

-خد وقتك فى فهم التمرين واستيعابه قبل ما تعمله ولازم تكون عارف التمرين اصلا الهدف منه ايه " مش مجرد لعبه "واحسن طريقه لعرض التمرين هى اسلوب استاذى و استاذ الكل جميل منصور " تحضير – تركيز – شرح "
2- ما تلبخش نفسك فى تمارين كتيره لو كان ليها نفس الهدف
3-طب امتى نلجأ للتمارين اللى ليها نفس الهدف ؟ ..... اقولك : منعا للمل
4- ما تنقلش على تمرين غير لما تكون اتقنت التمرين اللى قبله لإن فى الورش المحترمه التمارين عامله زى درجات السلم كلها تبنى بعض والتمرين السابق بيفرش للتمرين التالى
5-ما تدخلش على ليفيلات صعبه فى التمرين على طول لانك اولا ممكن ما تعرفش تعملها فتحبط ثانيا لانك لو عملتها مخك مش هيقبل يرجع لليفيل اللى قبله وبكده تكون ضيعت على نفسك فايدة التمرين لانك فى الاصل اخدته كتحدى مش شئ تستفيد بيه " واللى عايز يستفيد يبدأ بالبسيط "
6-التمرين من المران والتكرار لازم تتمرن عليه على الاقل مرتين فى الاسبوع
7-يا حبذا لو تاخد تمارينك من ناس فاهمه وعملت التمارين دى قبل كده " تسليم " ما إلا اذا كنت وحش وفاهم مسرح كويس
8-اخيرا احب اقولك لا للموهبه فى التمثيل ونعم للتمارين